/*Google Analytics*/ /* eingefügt 15.12.2022/hb*/

tegschtli by jole

Bitte kei Broccoli u kener wyssi Böhndli aber immer wieder gärn meh Dräck by Jole

tegschtli by joleÄndlech ischs los gange, di laaaaang ersehnti Bikewuche isch vor dr Tür gstange.
Mitemne luute hallo Jole bini begrüesst worde vom Blöffer u dr Chrige, diä hei mir bigoscht mini afangsschüüchi grad vertribe ;-)!

Ga hole simer de di geilschte Bike uf Ärde-
i gloub fasch das chönnt mis nägschte wärde!

Ob ui oder ai...ds isch gfahre wiä de Blitz sogar dr Friburger ds isch ke Witz, isch      happy gsy dermit!

S Cicalino Huus isch voll mit Bärner - ds heisst äs chunnt guet mir häbä zämä ou we i chlei müeh ha mit de Näme.

Ufem wäg het dsabine öppe diä ä Has gseh....auso daderzue chani nume sägä, mir  angere heine fix im Glas gseh!
Äbä-näbscht em suufe undem feschte hei mir üsi Fahrkünscht gä zum Beschte.... 
frag mi nid wenn u wo gnau das mir si wo düre...i würd sägä frag de Jüre oder de dr Fränä oder d Jutta oder wes wosch wüsse gnau ufe Spitz de am beschte no dr Fritz!

Ächt super si diä Guides-jede Tag voll parat u immer no voll am schaffä 
we mir scho lang am tue si gsy wiä d Affe....
diä einte hei ä Massage gnosse u angeri
hei ä nang mitem wysse Bäueli abgschosse ;-)!

Meh dräck hets öppe gheisse..
u so simer locker dür jedi Pfütze ob mit oder ohni nassi Würze...
ah übrigens isch ou d Annemarie am Bike no ufd schlichi cho nachdäm
si nachem erschte Tag scho het welle i ihrne Büecher ga d Site zelle!
Nachem Rägä schiint d Sunne u so hei mir das super gfunge...
si mir uf d Insel Elba ga Bike u i mues sägä uf Facebook würdi das like!

Im Hus Ceppo isch fasch di ganzi Gruppe Capuccino am wohne u i mues jetz gwüss no betone-a däm Tag wo i ha glitte wines wysses Böhndli u gred ha fasch kes
Tönli hei si mi ufgno i ihres Grüppli susch hätti gwüss dr wäg für hei nid gfunge zu    mim Bouillonsüppli!
Merci Chrige fürs pflege susch wär dr letschti Abe ala Broccoli worde u i hätt nid mit
übercho wiä d Turgouerfroue si zu Gwinner worde :-)!

Am einte u am angere ischs Wohlbefinde gheit i Eimer                                                 doch ischs halt so was weimer....

Tüet nech erhole u äbä jede Tag chlei Broccoli ässä
somit wärdet dir diä tolli Zyt wohl nid sooooooooo….. 
schnäll vergässä!

immer locker bliibe....

Sonntag, 27. Mai 2018

KONTAKT

mtbeer-Bikeschule & Solutions gmbh
Lombachzaunweg24,3800 Unterseen

+41 33 822 84 92, info@mtbeer.ch 

mtbeer auf Facebook  mtbeer auf Instagram  YouTube  mtbeer auf Twitter

mtbeer.ch nutzt Cookies, um bestmögliche Funktionalität bieten zu können. [ mehr Infos ]